mercoledì 16 ottobre 2013

COSE ORITANE DEL PASSATO: CANZONE DEL CARRETTIERE (TRAINIERI)

CANZONI TI LU TRAINIERI

Lu soli mi sta coci la mitodda
sentu ca mi sta veni la papagna
iu mangiu sulu pani e cipodda,
mbevu l’acqua di lu puzzu di campagna.

Iu cantu sempri quannu sta caminu,
la uardia mi sta faci lu cagnulu,
ci portu caricatu lu trainu
lu tira cu piaceri custu mulu.

Allu skuriatu tegnu na puntedda
quannu la battu forti skattarescia
faci li cuerpi comu la skuppetta,
e com’àciedd’all’aria si sta prescia.

Mugghierima s’è fatta cussi vecchia
ca tienti chiù no teni ntra la vocca
mo s’è nzurduta puru ti na recchia
e ‘ntr’allu liettu chiù no mi sta tocca.

Bisogna cu la cangiu, puredda
ca quannu cchiù la rota no camina,
inutili cu puerti la strascedda
no servi mancu cchiù la martillina.

Ultimi articoli

Related Posts Plugin for WordPress, Blogger...